Soðnar kartöflur

Það eru ca 6 mánuðir síðan ég fór að búa. Á þeim tíma hef ég verið mjög dugleg að elda (og Jakob líka). Við höfum eldað mjög fjölbreyttan mat en mest grænmeti og pasta. Í síðustu viku suðum við okkur grænmetissúpu og notuðum í hana hvítkál. Við gátum hinsvegar ekki notað heilan kálhaus svo nú eigum við vænan slatta af hvítkáli sem liggur undir skemmdum. Því höfum við ákveðið að fara nýjar leiðir í eldamennsku. Í kvöld ætlum við að sjóða kjötfarsbollur (einnig þekktar sem lillabláar bollur) með hvítkáli og kartöflum. Þetta verður bæði í fyrsta sinn sem við kaupum kjöt til að hafa í kvöldmatinn (álegg ofan á pítsur er ekki talið með) og í fyrsta sinn á þessu hálfa ári sem við sjóðum kartöflur. Það verður spennandi að sjá hvernig þetta endar.

 Nanna tilraunakokkur

 

Athugasemdir

[Sylvía (IP-tala skráð) 27.8.2008 kl. 22:51]

uss bara með ekta gamaldags sveitamat :) Hér á mínum bæ er bara kjúlli og kotasæla, voða spes en lúmskt gott :)