Furðulegt nám

Fólki finnst námið mitt stundum svolítið undarlegt. Þessa önnina er ég þó í áföngum sem heita nokkuð eðlilegum nöfnum. Húmor; Hátíðir, leikir og skemmtanir og Inngangur að safnafræði eru þeir áfangar sem ég er í. Ágætis blanda af praktík og skemmtilegri ópraktík. Húmors áfangann kennir gestakennari frá USA sem er mjög virtur fræðimaður (innan þjóðfræðinnar allavegana). Það sem stendur upp úr eftir tímann í dag er að ég lærði voða fínt fræðilegt orð - scatological - kúkabrandarar.

Og svo er fólk þarna úti sem lærir línulega algebru af frjálsum vilja.

Athugasemdir

[Gunnfríður (IP-tala skráð) 12.9.2008 kl. 14:33]

Ég væri alveg til í einhvern svona "skemmtilegan" áfanga i skólanum, en neinei, gunnfriður fær bara anatomi og fysiologi og biokemi og gubbbbb.

Get samt hins vegar sagt þér allt um frumur, vefi og organik efnasambönd (reyndar bara á dönsku):P