Kirkjuferðir og landsmót

Ég er búin að fara tvisvar í kirkju í síðustu viku. Það er álíka oft og allt síðasta ár. Í fyrra skiptið fór ég í minningarathöfn um hann Bjarna sem fór á þriðjudaginn. Á laugardeginum fór ég svo í brúðkaup sem var öllu skemmtilegra og minna grátið. Eftir landsmót fer ég svo í þriðja sinn í kirkju en þá verður hann Bjarni jarðaður.

Ég er semsagt að fara á landsmót (skáta) næsta þriðjudag. Ég byrja á því að fara með 50 börn í 5 tíma í rútu. Svo mun ég eyða 6 dögum í að segja þeim að fara í sokka, klæða sig vel, drekka mikið vatn og ganga vel um tjaldið sitt. Allt fyrir frekar daufum eyrum. En á síðasta landsmóti var bongó blíða allan tímann svo ég er bjartsýn á að geta workað tevufarið aðeins (don´t ask).

Sem fyrr er svo bara nóg að gera við að vera safnvörður (eða sýningargæslufulltrúi eins og stendur í ráðningarsamningnum) og skólastjóri útilífsskóla (handrukkari og landsmótsskipuleggjari þessa dagana). Ég verð nú að segja að ég er farin að hlakka til að byrja aftur í skólanum.

 Nanna

 

Athugasemdir

[Gunnfríður Ólafsdóttir, 20.7.2008 kl. 16:58]

Ég samhryggist með Bjarna. 

En ég öfunda þig rosalega að vera að fara á landsmótið, það var svo gaman í fyrsta og eina skiptið sem ég hef farið.. 

[Sylvía (IP-tala skráð) 20.7.2008 kl. 21:37]

ég hlakka bara til að fá að hitta þig einhvern tíman á næstunni! Mamma var að taka til í einhverjum skápum í gær og fann þá myndirnar sem að ég, þú og Gunnfríður tókum af okkur í svona sjálfsala í kringlunni :) good times :)

[Gunnfríður Ólafsdóttir, 21.7.2008 kl. 18:33]

Oh my gad, ég vil sko endilega sjá hana:P

[Sylvía (IP-tala skráð) 21.7.2008 kl. 20:35]

já segðu, ég skal bara skanna þessar myndir inn í tölvuna við fyrsta tækifæri og setja á mæspeisið :) Við erum allar rosalega breyttar :)